Սրտխփոցի հաճախությունը մարդու առողջության մասին է խոսում. news.am

Սրտխփոցի փոքր խնդիրները լավ առողջության մասին են վկայում, կարծում են Մյունխենի տեխնիկական համալսարանի գիտնականները: Նրանք կապ են հայտնաբերել կյանքի տեւողության եւ սրտխփոցի միջեւ:  Մինչ նախորդ հետազոտությունների մեծամասնությունն ուսումնասիրում էր շնչառության ամբողջական ցիկլը, այս անգամ փորձագետները կենտրոնացել են արտաշնչման վրա: Իսկ ավելի ճշգրիտ` այն պահի, երբ սրտային կծկումների հաճախությունը սովորաբար նվազում է: 

Հետազոտության հեղինակ Դանիել Սիննեկերի (Daniel Sinnecker) խոսքով, նման մեթոդը թույլ է տալիս օրգանիզմի գործառնական վիճակի անհամեմատ ավելի ճշգրիտ պատկեր ստանալ:

Փորձարկմանը 950 մարդ է մասնակցել, ովքեր սրտային նոպա էին տարել եւ որոնց մոտ չափում էին զարկերակային ճնշումը: Մասնակիցները նման հետազոտություններ էին անցնում հինգ տարի շարունակ յուրաքանչյուր վեց ամիսը մեկ: Գիտնականները հայտնաբերել էին, որ պակաս արտահայտված առիթմիայով սրտի նոպայից հետո հիվանդները դիտարկվող ժամանակահատվածում մահվան ավելի բարձր ռիսկի էին ենթակա:

Բացի այդ, աննշան առիթմիայով կամավորները հինգ անգամ ավելի էին ենթակա հետագա 5 տարում մահվան վտանգի, քան շնչառության ավելի հաճախակի տատանումներով մարդիկ:

Փորձագետները համոզված են, որ իրենց բացահայտումը կհանգեցնի նոր մեթոդի, որը լայնորեն կկիրառվի բժշկական պրակտիկայում:

Հետազոտության արդյունքները հրապարակվել են  Journal of the American College of Cardiology պարբերականում:

Հարցեր, պատասխաններ, մեկնաբանություններ